Missione

MISSIONE

In u 2017, si conta 397 054 passaghjeri, 366 scali è 144 303 tunnellate di mercanzie.

E 4 missione di primura sò :

Gestisce

In u quadru di una cuncessione di attrazzu publicu attribuita per un tempu di 26 anni à parte si da u 1mu di ghjennaghju di u 2002, a CCI 2B chì ne hè a cuncessiunaria, assicureghja a gestione di u duminiu publicu à l’indrentu di u spaziu chì li hè statu cuncessu. E missione soie sò queste : a realizazione, u mantenimentu, u rinnovu, a sfruttera, u sviluppu è a prumuzione di l’attrazzi, terreni, casamenti, stallazione, materiali, rete è servizii chì abbisognanu à u funziunamentu di u portu.

Accoglie

Ùn smette a Camera di Cummerciu di megliurà e cundizione di accolta di i passaghjeri è di i veiculi. Per riesce ci, urganizeghja a gestione di i flussi, ch’ellu si tratti di i veiculi o di i passaghjeri pedoni. Hè per quessa ch’ella mette in opera servizii, infrastrutture è soprastrutture cum’è questi : terminali marittimi, parcheghji, spazii adumbrati, una navetta gratisi, un spaziu d’infurmazione, attrazzi per a signaletica….

Prumove

U sviluppu di u trafficu rispundendu à e brame di ogni operadore, è di modu particulare, à quelle di e cumpagnie marittime.

Fighjà voltu l’avvene

Appruntendu prugrammi d’investimentu  (2019-2023) à parte si da e Prupunendu assesti novi à cortu andà.
Riflettendu à e vie di sviluppu : linee nove, traffichi novi, crucere…previsione di u trafficu è di l’evuluzione di i prugrammi cummerciali.

Sicurezza

Cuntrolli di Sicurezza à l’imbarcu

Appruntate u vostru titulu di trasportu (bigliettu) è u vostru ducumentu d’identità per u cuntrollu di sicurezza è u cuntrollu cummerciale, ponu principià questi 2 ora prima di a partenza di a nave.
Impone u codice internaziunale ISPS à l’inseme di e strutture purtuarie di fà un cuntrollu di sicurezza per ogni passaghjeru (pedoni o cù mezi di trasportu) chì si prisenta per l’imbarcu.
U persunale di sicurezza faranu di modu sistematicu un cuntrollu di accessu (verifica di u titulu di trasportu) è una ispezzione visuale (à nantu à u passaghjeru, i so bagagli è/o u so veiculu). È po, pò accade ch’ellu sia sottumessu u passaghjeru à una ispezzione filtrera, vene à dì una verifica di più precisa di i so bagagli è/o di u so veiculu, cunformu à e prescrizzione di i regulamenti attuali.
Li tuccherà à i passaghjeri à appruntà i so tituli di trasportu è i so ducumenti d’identità da aghjevulisce i cuntrolli di sicurezza. Deveranu tene cun elli l’inseme di’ssi ducumenti s’elli volenu parte, mentre una stonda, u spaziu di sicurezza purtuaria.
U Pianu VIGIPIRATE hè attivu oghje in u portu di Lisula.