GO SMART MED
http://interreg-maritime.eu/fr/web/go-smart-med
U prugettu Go Smart Med addunisce 7 soci è 5 regione (Corsica, Liguria, PACA, Sardegna, Tuscana). Di u prugettu, a sfida cumuna, hè di furnisce una gestione innuvante è integrata di i servizii di trasportu marittimu di mercanzie inde l’altu mare tirrenu, megliurendu a leia trà i nodi secundarii è terziari di u spaziu di cuuperazione è e rete RTE-T. Ch’ellu ùn si sentinu più scantati i territorii isulani, eccu u scopu di’ssu prugettu.
Da riesce ci, studia Go Smart Med un modu di guvernà strategicu novu da mette in anda una gestione innuvante di i servizii di trasportu di mercanzie è a cuurdinazione di e leie trà i porti di e regione cuncernate.
Issu sistema novu megliuratu apprufitterà di manera diretta à l’imprese di spedizione (prestatarii di servizii chì mandanu / ricevenu robba), à l’uperatori purtuari (agenzie marittime, transitarie, agenzie di operazione purtuarie, traspurtadori). È di manera indiretta à l’inseme di l’imprese di i territorii chì u prugettu riguarda per via di l’uppurtunità accresciute di fà scambii, seguitendu una logica di crescita ecunomica.
PRISENTAZIONE ITINERA
http://interreg-maritime.eu/fr/web/itinera
S’iscrive u prugettu in u Prugramma cumunutariu aurupeu Interreg Italia-Francia Marittimo 2014-2020. Vole incuragisce questu u sviluppu ecunomicu di l’imprese è prumove, per via di azzione innuvante, l’attrattività turistica di e regione chì issu prugettu riguarda.
Sò ottu soci à esse si impegnati dapoi l’iniziu di u prugramma, u 16 di maghju scorsu :
– A Camera di Cummerciu è d’Industria di Cagliari (Sardegna), capifila di u prugramma
– A Regione Sardegna
– A Camera di Cummerciu è d’Industria di Tulò – Var Pruvenza
– A Camera di Cummerciu è d’Industria di Livornu (Tuscana)
– A Camera di Cummerciu è d’Industria di Genuva (Liguria)
– GIP Fipan (Accolta d’Interessu Publicu Furmazione è Inserzione Prufeziunale Accademia di Nizza)
– CentraLabs (Centru di ricerca è d’innuvazione in u settore scentificu è tecnulogicu)
– A Camera di Cummerciu è d’Industria di di Bastia è di u Cismonte
Sei aghje geugraffiche trasfruntaliere sò cuncernate: a Corsica, u Var, l’Alpi-Marittimi, a Sardegna, a Tuscana è a Liguria.
U prugramma Itinera, durerà dui anni è tocca di modu particulare l’attività di crucera.
Di fatti, vole mette in opera dui percorsi ecoturistichi ingiru à e sei aghje geugraffiche ammintate prima solu per e cumpagnie di crucera di lussu, vene à dì ch’elli saranu riservati à piccule unità.
Ci vulerà chì i prudutti di passighjate appruntati da ogni partenariu per ch’elli fussinu inseriti in issi dui percorsi s’iscrivessinu in una tematica glubale innuvante di sviluppu à longu andà è di biudiversità (scuperta è prutezzione di l’ambiente, enugastrunumia, arte è cultura, mezi di trasportu pocu cunsumadori…).
Di fatti, u fine d’Itinera hè di fà cresce a cumpetitività internaziunale di e microimprese è di e PME in e filiere trasfruntaliere di primura in leia cù a crescita turchina è verde.
Compiu u prugramma, per i dui percorsi ecoturistichi chì veneranu appruntati da l’8 partenarii, missione cummerciale cunsacrate li saranu indirizzate à l’armadori di crucera di lussu.